...صرخة أم في دار المسنين...

...صرخة أم في دار المسنين...

قالولي جاتك بني
قلتلهم هي الي لي
هي عمري و نور عيني
قالولي جاك و ليد
قلتلهم سرسور ظهري انسند
يا سندي على الطريق و منايا
غاب طيفك على سمايا
هذي سنين و العين تبكيك
ماشفت خيالك زارني يا ضنايا
أتفكر كي كنت ترقدك و نخبيك
و نلعب معاك و دايما تمشي مورايا
ترقد على صوتي و حضني يدفيك
ماكان حتى واحد غيرك ساكن حشايا
و إذا مرضت نسهر حذاك و نداويك
مانوض محذاك صبحي و لا مسايا
شوف مشحال عطيتك من حناني و مازالني نعطيك
تكبر و يكبر فيا الأمل يا مونايا
بصح يا خسارة بعتني اليوم
واش بيك يا ممو عيني
و بدلتني بمرتك
يا درا هي عزيزة علي؟
هي الي كانت السبب في شقايا
على بالي بيها قاسية و ماتخليكش
قاتلك عجوزة و مانقبلهاش معايا
و خليتني و سط الملجأ و أنا نحلل فيك
هذا جزاء المعروف و هذا جزايا
لوكان غير خليتني خدامة بين يديك
باش نشوفك كل يوم و نعطيك رضايا
صحيت يا وليدي و نشكر خدايمك
راني ندعيلك ربي كل يوم بالهداية
محمد يا محمد أمك توصيك
تخاف ماتلحقش تشوف الوصيا
وصيت الطبيب الي في الملجأ يعطيك
بريتي الي كتبتهالك بدموع عيني
إذا مت ماتبخلش علي بدعاويك
و أطلب لي الغفران هذا هو رجايا
و ذري على قبري التراب بدمع عينيك
ضرك ماينفع لا ندم و لا بكايا

نورالدين واليحين

شكرا لك منتدى جميل