جزائري و أفتخر

جزائري و أفتخر

يسألوني
يسألوني في غربتي و يلوموني
من وين انا وينها بلادي وينو اصلي
وعلاش تغربت
على السبة يسألوني
حرت و ماعرفتش واش نجاوبهم
والله ماعرفت واش نقوللهم
أنا الي الناس الي وفيتلهم
و حطيتهم في عيوني
خدعوني و خذلوني و مشاو لحالهم
و برخيس باعوني
و انا الي كنت وافيلهم

بصح نقوللكم و عاونوني
الوطن غير البشر صدقوني
الجزائر غيرهم صدقوني
و سألو اهلي و هما الي يعرفوني
أنا ننتمي لبلادي و اهلي و داري سامحوني
انا جزائري و ما يقدرو يغيروني
عين الدفلي و مايقدرو يحولوني
أنا ياساهر الليل عين دفلي اصيل
شرشالي الأصل و الفصل
بجاوي الملامح
باتني القلب بليدي الحب
شلفاوي الصبر
تامنراستي العزم
تيبازي العشق ورقلي الصدق
عنابي العروبة و هراني العذوبة
و دم العروبة الي يجري في شرياني
أنا نورالدين واليحين
و جدي الرسول الأعظم الي علمني
حب عيسى المسيح
حب عيسى المسيح و قلبي نوراني
أنا ابن سرتا العظيمة
انا ابن قسنطينة العظيمة يا زماني
أنا وليد واد شلف
و ماه الحلو مازال في لساني
أنا الي ما بدلتني الغربة
و ما نساتني حناني
أنا الي مابدلتني الغربة
و ما غيرت الحكاية
إذا ضحكت ضحكت معايا كل الولاية
و إذا بكيت والله تنزل قطرات من عيوني
على بلادي الجزائر مايصبروني
أنا بحبي لبلادي و داري
أنا بحبي لبلادي و داري
جزائري و ما يقدرو يغيروني



نورالدين واليحين

شكرا لك